Медицина инспекторҙарына махсус сертификат биреләсәк

Шулай итеп, медицина инспекторы – Башҡортостандағы предприятие йәки учреждениеның эпидемиология нормалары үтәлешен күҙәтеүсе хеҙмәткәре (медицина белеме мотлаҡ түгел).

Башҡорт дәүләт медицина университеты «Медицина инспекторы» белем биреү сайты асҡан. Сайттың һылтанмаһы – https://med-inspector.ru/, унда «Медицина инспекторы» исемле онлайн белем биреү курсын үтергә мөмкин. Бының өсөн сайтта теркәлергә кәрәк. Унан һуң көндөҙгө бүлектә уҡый торған йәки онлайн-курсҡа һылтанма киләсәк, уҡыу материалдары ла тәҡдим ителәсәк.

Лекция курсын һәм чек-яҙмаларҙы Башҡорт дәүләт медицина университетының эпидемиология, медицина-иҫкәртеү (гигиена, эпидемиология, дәүләт эпидемия хеҙмәтен ойоштороу һәм хеҙмәт, һөнәри сирҙәр гигиенаһы буйынса курстар) кафедралары әҙерләгән.

Бер тәүлек эсендә лекциялар курсын 1600 самаһы кеше тыңлаған, уларҙың яртыһы иҡтисадтың аныҡ секторҙағы предприятиелары хеҙмәткәрҙәре.

Бынан һуң уларға сайттағы шәхси кабинетҡа курс үтеү тураһындағы сертификат ебәрелгән.

Фото: bashinform.ru