Съезда барлыҡ тәҡдимдәр күҙәтелде

Башҡортостанда 160-тан ашыу милләт вәкиле йәшәй, уларҙы 50-нән ашыу милли-мәҙәни йәмәғәт ойошмаһы берләштерә. Улар араһында иң ҙуры – «Бөтә донъя башҡорттары ҡоролтайы (конгресс)». Шулай уҡ Башҡортостан рустары конгресы, «Башҡортостан татарҙарының милли-мәҙәни автономияһы», Башҡортостандың фин-уғыр халыҡтары ассамблеяһы, сыуаш, удмурт, мордва, белорус, йәһүд, поляк, латыш, төркмән, әрмән милли-мәҙәни ойошмалары, украиндарҙың «Кобзарь» милли-мәҙәни үҙәге һәм немецтарҙың «Видергербург» мәҙәни-ағартыу берлеге эшләп килә.

Башҡортостан халыҡтары ассамблеяһы 2000 йылда булдырыла. Шулай итеп, ойошманың эшләүенә быйыл 20 йыл булды.

Съезда ҡатнашыусыларҙы видеояҙма аша Ғафури районынан башҡорт халҡы вәкилдәре тәбрикләне, шулай уҡ Краснокаманан – рустар, Бүздәктән – татарҙар, Ҡырмыҫҡалынан – сыуаштар, Мишкәнән – мариҙар, Стәрлетамаҡтан – украиндар, Федоровканан – мордвалар, Тәтешленән удмурттар ҡайнар сәләмдәрен еткерҙе.