Өфөлә «Бикбай уҡыуҙары»да ҡатнашырға саҡыралар

Р. Т. Бикбаев исемендәге 102-се башҡорт гимназияһында 10 декабрҙә онлайн форматта Башҡортостандың халыҡ шағиры Рауил Бикбаевҡа һәм Башҡорт теле көнөнә арналған «Бикбай уҡыуҙары» төбәк-ара ғилми-ғәмәли конференцияһы була. Сараның маҡсаты – уҡыусыларҙың ижади потенциалын асыҡлау, уларҙы Р. Т. Бикбаевтың ижади мираҫына ылыҡтырыу.

Конференцияла республиканың һәм Рәсәйҙең дөйөм белем биреү ойошмалары уҡыусылары, шулай уҡ һөнәри, юғары белем биреү ойошмалары студенттары, уҡытыусылар ҡатнаша ала.

Ғаризалар һәм эштәр 9 ноябрҙән 3 декабргә тиклем ҡабул ителә. Конференцияла Рауил Бикбаевтың тормошо, ижады, эшмәкәрлеге тураһында эссе һәм Рауил Бикбаевтың әҫәрҙәре буйынса буктрейлер номинациялары буйынса башҡорт һәм рус телдәрендә яҙылған ижади эштәр ҡатнаша.

Конференцияны ойоштороусылар – Башҡортостан Республикаһының Мәғариф һәм фән министрлығы, Башҡортостан Республикаһының Мәғарифты үҫтереү институты, Өфө ҡалаһы хакимиәтенең Мәғариф идаралығы, Башҡортостан Республикаһының Яҙыусылар берекмәһе, М. Аҡмулла исемендәге БДПУ һәм Рауил Бикбаев исемендәге 102-се башҡорт гимназияһы.

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хеҙмәттәшлек

(34786) 3-08-47

Кадрҙар бүлеге

(34786) 4-14-73