Шәкәр етерлек – һәр кемгә 24 килограмм

Быйыл республикала ауыл хужалығы эшсәндәре сөгөлдөрҙән мул уңыш алды. Ә Шишмә һәм Раевка шәкәр заводтары әҙерләнгән татлы тамырҙың өстән ике өлөшөн эшкәрткән дә инде. Улар республика халҡы ихтыяжын ҡәнәғәтләндерерлек күләмдә шәкәр етештергән, тип хәбәр итә төбәктең Ауылы хужалығы министрлығының матбуғат хеҙмәте.

Ағымдағы йылдағы уңыштан 100 мең тонна шәкәр алынған. Тимәк, төбәктәге һәр кемгә 24 килограмм шәкәр тура килә.

Әйтергә кәрәк, шәкәр – экспортҡа сығарылған төп аҙыҡтарҙың береһе лә. Ағымдағы йылда 20 миллион долларлыҡ 51 мең тонна шәкәр һатылған. Республиканың Ауыл хужалығы министрлығы мәғлүмәттәренә ҡарағанда, Башҡортостандың ауыл сәнәғәте комплексы продукцияһы экспортының дөйөм күләме 27 ноябргә 135 миллион доллар тәшкил иткән. Былар барыһы ла ил Президенты Владимир Путиндың май указдары ярҙамында барлыҡҡа килгән «Халыҡ-ара кооперация һәм экспорт» милли проектының «Агросәнәғәт продукцияһын экспортҡа сығарыу» проекты ярҙамында мөмкин булған.

#Бәләбәйхәбәрҙәре#Башҡортостан#миллипроект#ауылхужалығытауарҙары#кооперацияһәмэкспорт

Читайте нас:

Электрон почта

[email protected]

Адресы

452000, Республика Башкортостан, г. Белебей, ул. Мало Луговая, 53А

Редакция

(34786) 3-17-02

Хеҙмәттәшлек

(34786) 3-08-47

Кадрҙар бүлеге

(34786) 4-14-73