Ҡайһы телдә теләйһегеҙ, шул телдә шылтыратығыҙ!

Республика Ғәҙәттән тыш хәлдәр буйынса дәүләт комитетының матбуғат хеҙмәтендә белдереүҙәренсә, ғәҙәти көндәрҙә шылтыратыуҙар рус, башҡорт һәм инглиз телдәрендә ҡабул ителә.

«Халыҡ-ара фәнни, мәҙәни, спорт саралары уҙғарылған көндәрҙә француз, немец, испан һәм ҡытай телдәрендә шылтыратып әйтеү мөмкинлеге бар», - тип хәбәр иттеләр ведомствонан.

Билдәләнеүенсә, «Система-112» менән бәйләнеш өҙөлгән осраҡта, ул шунда уҡ автоматик рәүештә тергеҙелә.