-16 °С
Болотло
Бөтә яңылыҡтар
Хәүефһеҙлек
11 Февраль , 10:00
Өфөлә бер әбей мутлашыусылар тоҙағына эләгә яҙған
70 йәшлек ҡатындың мессенджерына бер хәбәр килгән. Ул, йәнәһе, уның элекке эш биреүсеһенән һәм «хеҙмәткәрҙәрҙең шәхси мәғлүмәттәре менән архивты һанлаштырыу» зарурлығы тураһында булған. Ҡатын һылтанма буйынса күскән һәм, хәбәрҙә талап ителгәнсә, алты һанлы кодты ебәргән. Шунан һуң оҙаҡ та үтмәй ул үзенең «Дәүләт хеҙмәттәре» порталындағы кабинеты ватылыу тураһында хәбәрҙәр ала башлаған.
Өфөлә бер әбей мутлашыусылар тоҙағына эләгә яҙған
Артабан уның менән, йәнәһе, үҙҙәрен «Госуслуги» порталы һәм хоҡуҡ һаҡлау органдары хеҙмәткәрҙәре тип таныштырған кешеләр бәйләнешкә ингән. Аҡсаларын һаҡлау һылтауы менән улар аҡсаны «яңы баланс иҫәбенә» күсереү кәрәклегенә ышандырған, юғиһә, уларҙы мутлашыусылар урлаясаҡ, тип ҡурҡытҡандар.
Ҡатын, ҡурҡып, банкка киткән. Ухтомский урамында урынлашҡан «Һаҡлыҡ банкы» бүлексәһендә эшләгән хеҙмәткәр мутлашыу осрағын билдәләгән һәм әлеге хәл тураһында полицияға хәбәр иткән.
Финанс учреждениеһы хеҙмәткәре бүләкләү өсөн яҡын арала Рәсәй Эске эштәр министрлығының Өфө ҡалаһы буйынса идаралығына саҡырыласаҡ.
Новости партнеров