-7 °С
Болотло
Бөтә яңылыҡтар
Хәүефһеҙлек
18 Февраль , 18:00
«Дуҫтар»ҙан килгән һылтанмаларға ышанғандар
Бәләбәйҙә ике ҡатын мутлашыусылар тоҙағына эләккән. Улар социаль селтәрҙәге «дуҫтарынан» һылтанмалар буйынса күсеп, аҡсаларын юғалтҡан. 54 йәшлек ҡатынға «класташы» яҙған. Ул видео ебәргән һәм юл-транспорт ваҡиғаһы ҡорбаны танышмы, юҡмы икәнен һораған. Хафаға ҡалған ҡатын һылтанма буйынса күскән. Видеояҙма асылмаған, һуңғараҡ уның картаһынан 5 мең һум юғалған.
«Дуҫтар»ҙан килгән һылтанмаларға ышанғандар
42 йәшлек ҡатын менән дә ошоға оҡшаш хәл булған. Уға ла танышынан видеофайл килә, унда аварияға эләккән «таныш Паша» тураһында хәбәр ала. Видеояҙманы асырға маташҡандан һуң мессенджер һүнгән, ә виртуаль кредит картаһы иҫәбенән 50 мең һум аҡсаһы юғалған.
Ике осраҡта ла ысын таныш ҡатын-ҡыҙҙарҙың аккаунттары һынған була.
Полиция иҫкәртә:
- Дуҫтарҙан да килгән һылтанмалар буйынса күсмәгеҙ – уларға шылтыратығыҙ.
- СМС-тан кодтарҙы хәбәр итмәгеҙ.
- Мөмкин булған бөтә ерҙә лә ике факторлы аутентификацияны ҡуйығыҙ.
- Ватылыуға шик булғанда паролдәрҙе шунда уҡ алмаштырығыҙ һәм банкка мөрәжәғәт итегеҙ.
Новости партнеров