«Хәүефһеҙ иҫәп» тоҙаҡ булып сыҡҡан: Бәләбәй пенсионеры ярты миллионын юғалтҡан

Яҡынса мәғлүмәттәр буйынса, зыян күреүсегә, йәнәһе лә, илтеп биреү хеҙмәте курьерынан шылтыратыу булған. Шылтыратыусы посылка алыу өсөн смс-хәбәрҙең кодын әйтергә кәрәклеген хәбәр иткән.

Һуңынан зыян күреүсегә Күп функциялы үҙәк һәм Финанс үҙәгенең ялған хеҙмәткәрҙәренән шылтыратыуҙар килә башлаған. Улар «Дәүләт хеҙмәттәре» порталында уның аккаунтының ватылыуы һәм уның исеменә ышаныс ҡағыҙы теркәлеүен хаҡында хәбәр итә.

Һуңынан ышанысан пенсионер ҡатын менән «тикшереүсе» бәйләнешкә ингән, ул ышаныс ҡағыҙын бөтөрөү өсөн аҡсаһын «хәүефһеҙ иҫәпкә» күсерергә кәрәклеген әйткән.

Был факт буйынса Рәсәй Федерацияһы Енәйәт кодексының 159-сы статьяһы буйынса енәйәт эше ҡуҙғатылған.

Башҡортостан Республикаһы буйынса Эске эштәр министрлығы хәтерегеҙгә төшөрә:

* Таныш булмаған кешеләр менән аралашҡанда уяу булығыҙ.

* Аҡсағыҙҙы йәнәһе лә хәүефһеҙ иҫәпкә күсермәгеҙ.

* Телефондан шәхси мәғлүмәттәрегеҙҙе хәбәр итмәгеҙ.

* Именлегегеҙ һеҙҙең ҡулда икәнен онотмағыҙ.

Үҙегеҙҙе һәм яҡындарығыҙҙы һаҡлағыҙ!