1 июндән Башҡортостанда рәсми рәүештә һыу инеү миҙгеле асылды

Бәләбәй ҡалаһында бер генә рәсми пляж бар – «Йырсы шишмәләр» паркында. Рекреацион биләмәне Ғәҙәттән тыш хәлдәр министрлығы һәм Роспотребнадзор вәкилдәре тикшерҙе.

Үҙеңде хәүефһеҙ тойор өсөн һыуҙа үҙ-үҙеңде тотоу ҡағиҙәләре тураһында белергә кәрәк:

• һыу температураһы 18-20°C һәм һауа температураһы 23-25°C булғанда рөхсәт ителгән урындарҙа ғына һыу инегеҙ;
• һыу инеү алдынан алкоголь эсмәгеҙ;
• буйҙар артына йөҙмәгеҙ һәм йөҙөү сараларына яҡын бармағыҙ;
• бейеклектән һыуға һикермәгеҙ;
• йөҙөү өсөн яраҡһыҙ әйберҙәрҙе ҡулланмағыҙ;
• хәүефле уйындарҙан һәм таныш булмаған урындарҙа һыу аҫтына төшөүҙән һаҡланығыҙ;
• балаларҙы ҡарауһыҙ ҡалдырмағыҙ!

Таҙалыҡты һаҡлау һәм пляжда сүп-сар ҡалдырмау мөһим.

Әгәр кемдер батып башлаһа:

• Хәүефте баһалағыҙ һәм ярҙамға саҡырығыҙ.
• Ҡотҡарыу сараларын ҡулланығыҙ.
• Үҙ көсөгөҙгә ышанмаһағыҙ, һыуға һикермәгеҙ.
• Йөҙә белһәгеҙ, батып барыусыға табан һаҡ ҡына арттан йөҙөгөҙ.
• Ярҙа ярҙам күрһәтеп, ашығыс ярҙам саҡырығыҙ һәм беренсе ярҙамды башлағыҙ.

Ялдар хәүефһеҙ булһын!

Фото «БИ» архивынан