Бәләбәйҙә йәшәүсе ҡыҙ аҡсаларҙы законһыҙ әйләнештә тотоуҙа ғәйепләнә

Күҙәтеү ведомствоһы мәғлүмәте буйынса, былтыр август айында билдәһеҙ кеше ҡыҙға банк картаһын рәсмиләштереп, уға алыҫтан инеү мөмкинлеген биреп, аҡса эшләргә тәҡдим иткән. Ул ризалаша.

Һуңыраҡ был иҫәп Керчь ҡалаһында йәшәүсенән аҡса урлау өсөн ҡулланыла. Банк шикле иҫәпте ябҡандан һуң, ҡыҙ ҡалған аҡсаны кураторҙың күрһәтмәһе буйынса икенсе иҫәбенә күсерә. Һуңынан ул аҡсаны банкомат аша алып, енәйәтсегә бирә.

Схеманы ойоштороусыға ҡарата материалдар айырым производствоға бүленгән.