+14 °С
Облачно
Хәүефһеҙлек
10 Июня , 12:00
Талпандар йоҡламай: уяу булығыҙ!
Яҙ үтте, әммә хәүеф бар әле. Бәләбәй районында йәшәүселәр уяу булып ҡалырға тейеш: быйыл май айынан 82 талпан ҡаҙалыу осрағы асыҡланған. Үҙәк район дауаханаһының ойоштороу-методика бүлеге мөдире Ришат Низаев урман, парк һәм башҡа йәшел зоналарға барғанда һаҡ булырға кәрәклеге хаҡында һөйләне:
Талпандар йоҡламай: уяу булығыҙ!
«Талпандар йылы миҙгелдә, айырыуса майҙа һәм июндә әүҙем. Репелленттар ҡулланығыҙ, оҙон еңле асыҡ төҫтәге кейем кейегеҙ, салбар балағын нәскиҙәргә ҡыҫтырығыҙ, шулай уҡ тәбиғәттә йөрөгәндән һуң үҙегеҙҙе һәм яҡындарығыҙҙы талпандар барлығына даими тикшерегеҙ».
Үҙегеҙҙә талпан тапһағыҙ, уны үҙ аллы тартып сығарырға тырышмағыҙ. Хәүефһеҙ сығарыу һәм инфекцияның булыу-булмауына анализ яһау өсөн тиҙ арала медицина учреждениеһына мөрәжәғәт итегеҙ. Талпан ҡаҙалғанда ҡаратыу һәм консультация алыу өсөн Бәләбәй үҙәк район дауаханаһы хирургия комплексының ҡабул итеү бүлегенә мөрәжәғәт итергә мөмкин. Адресы: Бәләбәй ҡалаһы, Революционерҙар урамы, 15.
Үҙегеҙҙе һәм яҡындарығыҙҙы талпан ҡаҙалыуҙан һаҡлар өсөн ябай ғына һаҡланыу саралары тураһында онотмағыҙ. Иғтибарлы һәм һаҡ булығыҙ, йәй етди сюрприздарһыҙ үтһен!
Регина Иванова әҙерләне
