Йәй, ҡояш, хәүефһеҙлек

Иртәнге аштан һуң «Йәйге осорҙа юл хәрәкәте ҡағиҙәләре» темаһына әңгәмә ойошторолдо. Балалар юл хәрәкәте ҡағиҙәләрен үтәүҙең мөһимлеге тураһында белде, айырыуса йәйгеһен, юлдарҙа велосипедсылар һәм йәйәүлеләр күберәк булған осорҙа.

Төштән һуң отрядтар «Юл хәрәкәте ҡағиҙәләре тураһында мин барыһын да беләм!» тип аталған рейдҡа юлланды. Лагерға үҙ велосипедтарында килеүселәр имен йөрөү йәһәтенән күрһәтмәләр алды. Әңгәмә барышында балалар ҡағиҙәләр буйынса белемен тикшерҙе, был уларға алған белемдәрен нығытырға һәм иғтибарлы булыуҙарын тикшерергә мөмкинлек бирҙе.

Көн аҙағында «Ҡағиҙәләрҙе бел, юл хәрәкәте ҡағиҙәләрен боҙма!» агитбригадалар конкурсы уҙҙы. Балалар юл хәрәкәте ҡағиҙәләрен үтәүҙең мөһимлеген иҫкә төшөрөп, иптәштәре алдында дәрт-дарман менән сығыш яһаны.

ЮИД отряды етәксеһе Р.Х. Солтанова билдәләүенсә, бындай саралар балаларға юл хәрәкәте ҡағиҙәләрен яҡшыраҡ үҙләштерергә генә түгел, ә уларҙың әһәмиәтен аңларға ла ярҙам итә.

«Беҙ һәр бала юл хәрәкәте ҡағиҙәләрен белһен һәм үтәһен, йәй имен һәм күңелле үтһен өсөн барыһын да эшләргә тырышабыҙ», – тип һыҙыҡ өҫтөнә алды ул.

Фотолар гимназиянан-интернаттан