Бер генә баҫыу ҙа аҡсағыҙҙан яҙҙырыуы мөмкин!

Хаттарҙа, имеш, пландан тыш тикшереү үткәреләсәге тураһында хәбәр ителә, шулай уҡ почта хеҙмәттәре өсөн түләү талап ителгән QR-кодтар һәм һылтанмалар ебәрелә. Әммә «Роспотребнадзор» был мәғлүмәттең ысынбарлыҡҡа тап килмәүен белдерә.

Ведомствонан аңлатыуҙарынса, бөтә контроль һәм күҙәтеү сараһы 248-се Федераль законға ярашлы үткәрелә. Улар тураһында хәбәрҙәр Дәүләт хеҙмәттәре порталындағы шәхси кабинетҡа урынлаштырыла һәм электрон почтаға ла ебәрелә.

Рәсми хәбәрҙәрҙә тикшереүҙең теркәү номеры, QR-коды, башҡарыусының адресы һәм бәйләнеш өсөн мәғлүмәттәре күрһәтелә. Бер ваҡытта ла ниндәйҙер хеҙмәт өсөн аҡса түләү талап ителмәй. Барлыҡ тикшереү ҙә бушлай.

Әгәр шикле хат алһағыҙ, ундағы һылтанмаларға күсмәгеҙ һәм QR-кодтарҙы сканерламағыҙ. Һаҡ булығыҙ!