Фатирын һатҡан һәм мутлашыусыларға 7 миллион һум аҡса күсергән

Зыян күреүсе тиҙ килем вәғәҙә иткән мессенджерҙа рекламаға эләккән.

Мутлашыусылар инвестициялар буйынса эксперттар булып таныша һәм ҡатын-ҡыҙҙы ҡушымтаны күсереп алырға күндерә. Башта ул ҙур булмаған суммаларҙы күсерә, ә банктар кредит бирмәй башлағас, берҙән-бер фатирын 2,5 миллион һумға һата. Мутлашыусылар унан бөтәһе 7 миллион һум аҡса ала.

Схема классик сценарий буйынса эшләй: башта ҡатын-ҡыҙға уңышҡа ышаныр өсөн һәм күберәк аҡса һалыр өсөн бәләкәй генә аҡса ла түләнә. Бер мәл ул үҙе аҡсаны курьерға тапшыра, бының өсөн махсус рәүештә Һамар өлкәһенә бара.

Әлеге ваҡытта был факт буйынса айырыуса ҙур күләмдә маташыу тураһында енәйәт эше ҡуҙғатылған.

Полиция иҫкәртә: еңел эш хаҡы вәғәҙәләренә ышанмағыҙ, айырыуса инвестициялар һәм криптовалюталар өлкәһендә. Бер ҡасан да аҡсаны билдәһеҙ иҫәптәргә күсермәгеҙ һәм ашығыс рәүештә аҡса һалыуҙы талап иткәндәрҙе тыңламағыҙ. Әгәр һеҙгә шундай тәҡдимдәр менән шылтыратһалар, һөйләшеүҙе шунда уҡ туҡтатығыҙ.