+11 °С
Болотло
Хәүефһеҙлек
20 Август , 10:00
Бәләбәйҙә питбайк водителе тотолған
Бәләбәйҙә балиғ булмағандарҙың транспорт менән идара итеүенең сираттағы осрағы теркәлгән. «Мототехника» иҫкәртеү сараһы һәм «Не рули, малай» социаль кампанияһы барышында урындағы Дәүләт автоинспекцияһы хеҙмәткәрҙәре 16 йәшлек питбайк водителен туҡтатҡан. Үҫмер тейешле хоҡуҡтары булмаған транспорт сараһы менән идара иткән.
Бәләбәйҙә питбайк водителе тотолған
Тикшереү һөҙөмтәләре буйынса транспорт сараһы махсус туҡталҡаға илтеп ҡуйылған. Балиғ булмаған водителгә ҡарата РФ Административ хоҡуҡ боҙоуҙар кодексының 12.7-се статьяһының 1-се өлөшө буйынса административ протокол төҙөлгән. Эш материалдары балиғ булмағандар эштәре буйынса комиссияға ебәрелгән.
Ата-әсәләрҙең яуаплылығына айырыуса иғтибар бирелә. Үҫмерҙең законлы вәкилдәренә ҡарата РФ Административ хоҡуҡ боҙоуҙар кодексының 5.35 статьяһы буйынса ата-әсә бурыстарын тейешенсә үтәмәгән өсөн административ эш ҡуҙғатыу мәсьәләһе ҡарала.
Юл хәрәкәте ҡағиҙәләрен пропагандалау буйынса инспектор Алина Әмирова: «Транспорт сараһы менән идара итеүҙе хоҡуҡһыҙ кешегә тапшырыу 30 мең һум күләмендә штраф һалыуға килтерә», – тип һыҙыҡ өҫтөнә алды.
Дәүләт автоинспекцияһы ата-әсәләргә балаларға мототехника һатып алғанда ҡануниәтте үтәү кәрәклеге хаҡында иҫкәртә. Скутерҙар, мопедтар һәм питбайктар һатып алыу хәүефһеҙлек талаптарына һәм юл хәрәкәте ҡағиҙәләренә ҡаршы килмәҫкә тейеш.
ЮХХДИ фотолары
Бәләбәйҙә питбайк водителе тотолған
