Бәләбәй һөт комбинаты хеҙмәткәрҙәре йола буйынса Ҡарһылыу ролендә сығыш яһаны

Өсөнсө йыл рәттән комбинат етәкселеге исеменән тәм-том һалынған Яңы йыл пакеттары Бәләбәйҙең «Ғаилә» район-ара үҙәгенә тапшырыла. Ауыр тормош хәлендә ҡалған ғаиләләргә 75 бүләк әҙерләнгән. Учреждение етәксеһе Наталья Лаврова предприятиеға күрһәткән хәстәрлеге, күңел йылыһы, үҙәк тәрбиәләнеүселәренә иғтибары өсөн рәхмәт белдерҙе.

45 бүләк Изге Николай соборына килтерелде. Бәләбәй округы благочинныйы, протоиерей Андрей Кирсанов хәбәр итеүенсә, Раштыуа иртәлегендә бүләктәр йәкшәмбе мәктәбе тәрбиәләнеүселәре өсөн көтөлмәгән бүләк буласаҡ.

Икенсе йыл бүләктәр фитнес үҫеше үҙәгенә килтерелде, унда шулай уҡ предприятие хеҙмәткәрҙәренең балалары шөғөлләнә. 30 тәм - том төргәге – балаларҙың яңы йыл каникулдарына күңелле бонус.

Гөлнара Марахонько аңлатыуынса, хәйриә башланғысы Бәләбәй һөт комбинатының персонал буйынса директоры Екатерина Ноздринанан килә. Предприятие етәкселеге социаль әһәмиәтле проекттарҙан ситтә ҡалмауҙы, ярҙамға мохтаждар менән шатлыҡ уртаҡлашыуҙы мөһим тип һанай.

Елена Петрова фотолары