XXXVI Халыҡ-ара Аксаков байрамы «Өмөт ҡыңғырауҙары» кисәһе менән тамамланды

Бәләбәй районы хакимиәте башлығы Азат Сәхәбиев ҡунаҡтарға һәм тамашасыларға сәләмләү телмәре менән мөрәжәғәт итте һәм бында әҙәбиәтте ихлас яратҡан һәм ата-бабалар мираҫына һаҡсыл ҡараған кешеләр йыйылыуын билдәләне.

«Беҙ Аксаков менән бәйләнешебеҙ булыуы менән ғорурланабыҙ һәм яҙыусы тураһында хәтер китаптарҙа ғына түгел, ә кешеләрҙең эштәрендә һәм йөрәктәрендә лә йәшәһен өсөн тырышабыҙ», - тип һыҙыҡ өҫтөнә алды Азат Альверт улы.

Кисәлә сығыш яһанылар:

Санкт-Петербургтан Рус әҙәбиәте институтының филология фәндәре докторы (Пушкин йорто)  Андрей Дмитриев, Сербия яҙыусыһы Милутин Журинчкович, Финляндия тикшеренеүсеһе һәм этнографы Пекка Тапио Сутинен, «Беҙҙең замандаш» журналының баш мөхәррире Карина Сайдаметова һәм журналдың генераль директоры Сергей Куняев, Рәсәйҙең халыҡ артисы, Өфө сәнғәт академияһы профессоры Таңсулпан Бабичева.

Йырсы, Рәсәйҙең атҡаҙанған артисы Һәм Башҡортостандың халыҡ артисы Татьяна Петрованың сығышы Аксаков кисәһенең биҙәге булды.

Үҙәк мәҙәниәт һарайының ижади коллективтары ла программаны биҙәне.

 «Дарман» ҡурайсылар ансамбле, « Аҡбуҙат» халыҡ бейеүҙәре ансамбле,  «Здравица» фольклор ансамбле, Эльмира Малиҡова, Юрий Моляков үҙҙәренең ижады менән уртаҡлашты, «Реченька» вокаль ансамбле Аксаков байрамында даими ҡатнашыусы - Өфөнән «Таусень» вокаль ансамбле лә сәхнәлә балҡынылар.

Байрам программаһын «Русские звоны» хоры тантаналы тамамланы.

Залда Аксаков фонды рәйесе, яҙыусы Михаил Чванов булды, уның адресына бик күп яҡшы һүҙҙәр яңғыраны.

Елена Петрова фотолары