+17 °С
Ямғыр
Бәләбәй районы Социаль үҫеш идаралығының физик культура һәм спорт бүлеге начальнигы Эльвира Ҡаһирова һөйләүенсә, Бәләбәйҙә 17-се мәктәп эргәһендәге һәм 29-сы биҫтәләге (Морозов урамы) хоккей майҙансыҡтары эшләй башлаған.
Ҡаланың төп шыуғалағы миҙгел асырға әҙерләнә. «Киләһе ял көндәренә эштәрҙе бөтөрөргә тырышабыҙ», – тип билдәләне Эльвира Камил ҡыҙы.
Шулай уҡ ул спорт бүлегенең прокат өсөн 100 пар коньки һатып алырға ниәтләүен әйтте, килешеү төҙөлгән инде.
Районда йәмғеһе ете боҙ майҙансығы эшләйәсәк.
Регина Фәйезова материалы буйынса