Бәләбәй йөҙөүселәре республика беренселегендә 20 миҙал яуланы

Балалар яҡшы һөҙөмтәләр күрһәтте һәм 20 награда яуланы. Беренселектең триумфаторы - Карина Ғүмәрова, ул 3 алтын һәм 1 бронза миҙал яулаған. Алина Ғүмәрова шулай уҡ иҫ киткес һөҙөмтә күрһәткән - 2 алтын һәм 3 көмөш миҙал.

Артемий Егоров дөйөм копилкаға үҙ өлөшөн индерә, 1 алтын һәм 1 көмөш миҙал яулай. Андрей Карпов шулай уҡ пьедесталға күтәрелә, 1 алтын һәм 1 бронза миҙал ала. Эрик Давыдов 3 көмөш һәм 1 бронза миҙал яулап, көрәшсе характеры күрһәтә. Альбина Курмаева спорт мәктәбе коллекцияһын тулыландыра, ул 1 көмөш миҙал яулай.

Бронза миҙалдар Виктория Голиуста, Иван Тарасова һәм Леонид Григорьевта.

Леонид Григорьевтың 100 метрлыҡ комплекслы йөҙөү дистанцияһында беренсе спорт разряды нормативын үтәүе айырыуса иғтибарға лайыҡ. Тренерҙар әйтеүенсә, был йәш йөҙөүсенең спорт карьераһында ҙур аҙым, ул уның алдында яңы офоҡтар һәм мөмкинлектәр аса.

Фотолар спорт мәктәбенән