+10 °С
Облачно
Спорт
13 Апреля , 05:00
Беҙҙең команда – өсөнсө!
11 апрелдә Шаран районы Наратаҫты ауылы мәктәбендә шахмат буйынса «Башҡортостан шахмат лигаһы» республика турниры уҙҙы, был «Көнбайыш» төркөмөндә өсөнсө һайлап алыу этабы булды. Шахмат таҡталары артында Бәләбәй, Бүздәк, Баҡалы, Октябрьский, Туймазы, Саҡмағош һәм Шаран райондары һәм ҡалаларынан ете команда көс һынашты.
Беҙҙең команда – өсөнсө!
Көсөргәнешле уйындарҙа беренсе урынды – Туймазы, икенсене Октябрьский ҡалаһы командалары яуланы. Беҙҙең команда «Дебют» спорт шахмат мәктәбе тренеры Римма Әхлис ҡыҙы Ноғоманова остазлығында өсөнсө урын алыуға өлгәште. Ә бит был 3 урынды беренсегә тиңләргә мөмкин. Сөнки Октябрьский һәм Туймазы ҡалаларының билдәле шахмат мәктәптәренән һуң килә ул. Бәләбәй шахматсылары өсөн был иҫ киткес һөҙөмтә.
Оҫта шахматсыларыбыҙҙы атап үтәйек: Рауил Хәбибуллин, Усман Хәбиров, Арыҫлан Исламов, Арсений Гаманов, Степан Тудейкин, Семен Никитин, Тимур Үзбәков, Семен Саков, Георгий Гаманов, Камила Задаева, Диана Хәйруллина, Аделина Муллабаева, Риана Зарипова.
Бөгөн бронза – иртәгәһе алтынға ныҡлы нигеҙ! Йәш шахматсыларыбыҙға өлгәшелгәндәрҙә туҡтап ҡалмауҙарын, яңы матур партиялар, еңеүҙәр теләйбеҙ!
Беҙҙең команда – өсөнсө!
