Бәләбәй боксерҙарының сираттағы уңышы

Бәләбәйҙең «Чемпион» спорт мәктәбе спортсылары лайыҡлы сығыш яһаны. Юғары категориялы тренер уҡытыусылар Иван Игольников һәм Александр Силантьев етәкселегендә балалар ярыштарға яҡшы әҙерләнгән һәм тырышлыҡтары бушҡа китмәгән.

2008-2009 йылдарҙа тыуған юниорҙар өсөн айырыуса уңышлы сығыш була. Артем Ревенко үҙенең йәш һәм ауырлыҡ категорияһында ышаныслы алыштар үткәрә һәм лайыҡлы беренсе урын ала. Шулай уҡ йәш төркөмдәрҙәге егеттәр ҙә юғары һөҙөмтәләр күрһәтә. 2014-2015 йылдарҙа тыуғандар категорияһында «Чемпион» дың өс тәрбиәләнеүсеһе пьедесталдың өсөнсө баҫҡысына күтәрелгән: Артем Долгих, Родион Скворцов һәм Марсель Якупов.

2012-2013 йылғы йәш төркөмөндә Инсаф Ғарипов Һәм Алексей Игольников бронза призерҙар булды.

Тренерҙар әйтеүенсә, бәләбәйҙәрҙең сығыштары грамоталы тактика һәм яҡшы физик әҙерлек менән айырылып торған – был уларға көслө дәғүәселәр араһында уңышҡа өлгәшергә мөмкинлек биргән.

Фотолар «Чемпион» спорт мәктәбенән