+20 °С
Облачно
Спорт
7 Июля , 10:00
Башҡортостан бокссылары халыҡ-ара пьедесталды яуланы
2 июлдән 6-һына тиклем Ҡостанай ҡалаһында бокс буйынса 17-18 йәшлек үҫмерҙәр араһында Халыҡ-ара турнир үтте. Ул Ҡостанай өлкәһенең Бокс федерацияһы вице-президенттары Нурсолтан Айтенов һәм Корган Айтеновтар иҫтәлегенә арналды. Турнирҙа донъяның һигеҙ иленән: Үзбәкстандан, Германиянан, Тажикстандан, Ҡырғыҙстандан, Ираҡтан, Белорусь Республикаһынан, Рәсәйҙән 125 иң көслө боксёр ҡатнашты.
Башҡортостан бокссылары халыҡ-ара пьедесталды яуланы
Рәсәй Федерацияһы данын халыҡ-ара турнирҙа биш спортсынан торған Башҡортостан Республикаһы йыйылма командаһы яҡланы. Улар араһында – «Чемпион» спорт мәктәбе тәрбиәләнеүсеһе Артём Ревенко.
70 килограмға тиклемге категорияла Артём өс алышты уңышлы үткәрҙе, ике еңеү яуланы һәм халыҡ-ара турнирҙың бронза призеры булды.
Башҡортостандың бокс мәктәбенән тағы ла бер спортсы халыҡ-ара турнирҙа алтын миҙал яуланы. Ул - Өфө ҡалаһынан Сәйфуллах Цычоев (80 кг).
Шуны билдәләп үтергә кәрәк: спортсылар Башҡортостан йыйылма командаһының өлкән тренеры Иван Игольников етәкселегендә шөғөлләнә.
Башҡортостан Бокс федерацияһы фотолары
Башҡортостан бокссылары халыҡ-ара пьедесталды яуланы
