Радий Хәбиров Башҡортостан һәм Беларусь араһында уртаҡ проекттар менән таныштырҙы

Быйыл йәй Өфөлә иген эшкәртеү ҡорамалдары етештергән завод асыла. Киләсәктә ауыл хужалығы һәм коммуналь техника сығарыуҙа ла яйға һалыу ҡарала. Радий Хәбиров әйтеүенсә, Башҡортостан һәм Беларусь машиналар төҙөү өлкәһендә ныҡлы хеҙмәттәшлек итә ала.

 Радий Хәбиров Белоруссияға рәсми сәфәре барышында «Амкодор» холдингында булды. Унда Башҡортостан Башлығы сәнәғәт һәм ауыл хужалығы өсөн ҡорамалдар етештереү технологияһы менән танышты.