Өфөлә Рәсәй һәм Беларусь илдәре форумына әҙерлек бара

Ойоштороу комитеты ултырышында абруйлы сара программаһы менән таныштырҙылар. 10-сы форум Өфөлә 26-28 июндә уҙа. Унда ике дәүләт башлыҡтары Владимир Путин һәм Александр Лукашенко ҡатнашыуы көтөлә. Мәҙәни программаға ярашлы, «Евразия йөрәгендә Славян баҙары» тигән халыҡ-ара сәнғәт фестивале, «Дуҫлыҡ урамы» этник мәҙәниәттәр байрамы, милли аш-һыу фестивале үтәсәк, халыҡ-ара профилле лагерь, рәссамдар өсөн пленэр, мода күрһәтеү, шулай уҡ «Хәтер поезы» тигән патриотик мәҙәни-мәғариф проекты ойошторола. Бынан тыш, Рәсәй һәм Беларусь йәштәре форумы, мәктәп спорты халыҡ-ара фестивален уҙғарыу ҡарала.