Бәләбәйҙә Хәтер Һәм Батырлыҡ залы асылды

Мәктәп, икенсе йорт кеүек, тәрбиәләнеүселәре тураһында хәтерҙе һәр ваҡыт һаҡсыл һаҡлай. Бөгөн гимназия-интернат исемдәре тарихҡа мәңгелеккә яҙылған хәҙерге замандың дүрт геройы тураһында иҫкә ала: Морташин Рөстәм Винер улы, Складчиков Максим Алексеевич, Аҙнабаев Батыр Азамат улы һәм Солтанов Тимур Айҙар улы.

Тантаналы сара күп ҡунаҡтарҙы йыйҙы. Улар араһында һәләк булған яугирҙарҙың ата-әсәләре, дуҫтары һәм яҡындары, хәрби хәрәкәттәр ветерандары, шулай уҡ йәмәғәтселек вәкилдәре бар ине. «Шайморатовсылар», «Юнармия», «Рәсәй бөркөттәре» отрядтары һәм «Бөркөт» хәрби-патриотик клубы патриотик йырҙар, шиғырҙар башҡарҙы һәм хәрби әҙерлек буйынса күрһәтмә номерҙар менән сығыш яһаны.

Рәсми өлөштән һуң ҡунаҡтар Хәтер һәм Батырлыҡ залына үтте, унда фотоһүрәттәр, һалдаттарҙың шәхси әйберҙәре, уларҙың биографиялары менән стендтар ҡуйылған экспозиция әҙерләнгән.

Иҫтәлекле сара былтыр махсус операция геройҙары иҫтәлегенә белем биреү учреждениеһы баҡсаһында һалынған Алма аллеяһында тамамланды. Яугирҙарҙың туғандары традицияны дауам итте, алма ағастары эргәһенә бәләбәйҙәрҙең батырлығы тураһында иҫкә төшөрөү өсөн роза һәм гортензия үҫентеләре ултыртты.

Был сараны ойоштороу бағыусылар: Гөлнара Фәнзил ҡыҙы Һәм Раян Миңнулла улы Хәлиуллиндарҙың, Гүзәл Хәсән ҡыҙы һәм Илдус Илдар улы Фәттәховтар, Екатерина Александровна һәм Владимир Васильевич Якушиндар, Ольга Викторовна һәм Рөстәм Шадман улы Джумаевтар, Регина Азат ҡыҙы Григорьева, Ирина Ивановна Горбачевскаяныү ярҙамдары менән мөмкин булды.

Елена Петрова фотолары