Үткән заман геройҙары иҫтәлегенә…

Байрам менән йыйылғандарҙы Бәләбәй районы хакимиәте башлығы Азат Сәхәбиев, БР Дәүләт Йыйылышы – Ҡоролтай депутаты Азат Мөхәмәтйәнов һәм Бәләбәй ҡалаһы, Бәләбәй һәм Йәрмәкәй райондарының хәрби комиссары Рөстәм Сәхәбов ҡотланылар. Һуғышта һәләк булған һәм яңы  киткән ветерандар иҫтәлегенә бер минут тынлыҡ иғлан ителә.

МХО-ла ҡатнашыусыларға ярҙам итеүҙә әүҙем ҡатнашҡан ирекмәндәрҙе рәхмәт хаттары менән билдәләнеләр.

Махсус хәрби операция барышында күрһәткән батырлыҡтары, намыҫы һәм ҡаһарманлығы өсөн яҡташтарыбыҙ: Павлов Илья, Садиҡов Винер, Миңлегәрәев Ринат, Машнин Сергей, Алексеев Юрий үлгәндән һуң орден һәм миҙалдар менән бүләкләнде. Бүләктәрҙе уларҙың ғаилә ағзалары алды. Сәхнәгә сыҡҡандарҙы тамашасылар аяғүрә баҫып алҡыштар менән сәләмләне. Геройҙарға мәңгелек хәтер!

Байрам кисәһе ижади коллективтарҙың һәм Үҙәк мәҙәниәт, «Урал батыр» һарайҙары һәм Бәләбәй ҡалаһының 1-се сәнғәт мәктәбе солистарының концерт программаһы менән дауам итте. Сәхнәнән батырлыҡ һәм фиҙакәрлек, Ватанға һөйөү һәм Еңеүгә ышаныу тураһында йырҙар һәм шиғырҙар яңғыраны.

Үҙәк мәҙәнит һарайы фойеһында ҡала халҡы һәм ҡунаҡтары «Һуғыш тураһында хәтерҙе беҙгә китап ҡалдыра», «Еңеү хаттары», «Үҙебеҙҙекеләрҙе ташламайбыҙ» күргәҙмәләре һәм заманса ҡорал экспозицияһы менән таныша алды.

Светлана Прокофьева.

Елена Петрова фотолары