Бөтәһе лә еңеү өсөн: Приютта МХО ирекмәндәре слеты үтте

Слет ирекмәндәр ойошмалары эшенең берҙәмлеген һәм ойошҡанлығын күрһәтте. «Берегиня» ойошмаһы һәм Сик һаҡсыларының хәрби берләшмәһе (Октябрьский ҡалаһы), Япрыҡ ауылынан «Маскита» клубы һәм «Еңеү үрәбеҙ» клубы (Туймазы районы), «Еңеү өсөн» автономлы коммерцияға ҡарамаған ойошмаһы (Миәкә районы), «МХО-ға ярҙам Йәрмәкәй» төркөмө һ.б.

Слетта ҡатнашыусыларҙы Приют ҡасаба советы хакимиәте башлығы урынбаҫары Эльвира Лаптева, Ырымбур казак ғәскәренең башҡорт-мишәр казак бүлеге атаманы, башҡорттар ҡоролтайы рәйесе Исмаил Альберт Әҙип улы сәләмләнеләр.

Ирекмәндәр махсус хәрби операцияның айырылғыһыҙ өлөшөнә әйләнде.

Был юлы ирекмәндәрҙең ҙур төркөмө хәрби частар командирҙарынан «МХО-ға булышлыҡ иткән өсөн» рәхмәт хаттары һәм миҙалдары, шулай уҡ казактарҙан «Тыл ирекмәне» миҙалы менән билдәләнде.

Бүләкләнеүселәр араһында Бәләбәй районынан 40-тан ашыу ирекмән бар.

Слет программаһында оҫталыҡ дәрестәре, тәжрибә уртаҡлашыу һәм музыкаль оҙатыу булды.

Фотолар Приют ҡасабаһы Ярҙам үҙәгенән