МХО башланғандан бирле һуғышты алып барыу тактикаһы бөтөнләй үҙгәрҙе

«Йылдан-йыл технологиялар үҙгәрә, яңылары өҫтәлә. Хәҙер беҙ механизацияланған, роботлаштырылған арбаларҙы файҙаланабыҙ, улар яралы яугирҙәрҙе хәрби часҡа тиклем дә йөрөтә. Беҙ уларҙы шартлатыу машиналары, кешеһеҙ йөк ташыусы булараҡ файҙаланабыҙ», - тип ғорурланып һөйләй Тир.

Ул айырыуса яңы быуын дрондарына иғтибар бүлә. Оптосүс, яһалма интеллектлы «Марсианин», ҡеүәтле һуғышсан частар - былар барыһы ла беҙҙә барлыҡҡа килгән асыштар. Дошман әсенеп яуап эҙләргә мәжбүр, ә беҙ артабан барабыҙ.

«Һуғыш - ул прогресс двигателе, беҙ быны асыҡ күрәбеҙ. Әле һәр ерҙә лә беҙҙең мобиль ут төркөмдәре, ПВО-ның FPV-расчеттары булдырыла, улар һәр төрлө  дрондарға һөҙөмтәле ҡаршы тора», - тип һыҙыҡ өҫтөнә алды Тир.

Уның һүҙҙәренсә, һәр көн яңы тактик табылдыҡтар килтерә, һәм беҙҙең яугирҙәр уларҙы шунда уҡ файҙалана. Дошмандың контрмералары нисек тиҙ барлыҡҡа килә, тигән һорауға Тир тулы ышаныс менән яуап бирә: беҙҙең аналитиктар һәм инженерҙар тиҙерәк һәм сифатлы эшләй. Эйе, ҡайһы берҙә дошман беҙҙең эшләнмәләрҙе күсереп ҡабатларға  тырыша, әммә беҙ киләһе кимәлгә әҙерләнәбеҙ.

Ни өсөн операторҙарҙың күбеһе - 20-25 йәшлек егеттәр? Тир аңлата: был быуын гаджеттар тотоп тыуған. Улар өсөн джойстик - тәненең дауамы, ә программалау - тын алыу кеүек.

«Уларға технологияларҙы үҙләштереүе еңелерәк. Улар видеоуйындар менән шөғөлләнә,  Betaflight тибындағы софттар , ҡушымталар ҡуллана –был уларҙың тормошоноң бер өлөшө булып тора. Улар өсөн базаны аңлатырға кәрәкмәй. Был – уларҙың донъяһының бер өлөшөнә әүерелгән технологиялар», - ти ул.

Шул уҡ ваҡытта Тир былай тип өҫтәй: әгәр теләгегеҙ булһа, быға йәш ҡамасауламай. Ләкин йәштәр - беҙҙең төп өҫтөнлөгөбөҙ. Улар тиҙерәк уҡый, креатив фекерләй һәм яңы идеялар индерә.

Хәтерегеҙгә төшөрәбеҙ, Башҡортостанда пилотһыҙ системалар ғәскәрҙәренә йыйыу бара. Горобзор.ру пилотһыҙ осоу аппараты операторының эше һәм киләсәктә дрондарҙың нисек тыныс тормошта ярҙам итәсәге тураһында һөйләне лә инде. БПЛА ғәскәрҙәрендә хеҙмәт итеү тураһында тулыраҡ мәғлүмәтте 122 номеры буйынса алырға мөмкин.