Башҡортостандан БПЛА операторы һеңлеләре өсөн өлгө

2022 йылда, илдә өлөшләтә мобилизация иғлан ителгәндә, Гәрәев повестка алғас, бер уйламай, фронтҡа китә. Әлшәй районы хакимиәте башлығы Наил Әбелғужин билдәләүенсә, Артур Гәрәев Тыуған ил алдындағы ғына түгел, ғаиләһе алдындағы ла яуаплылыҡты аңлай.
"Артур күп балалы ғаиләлә үҫте, унда биш бала тәрбиәләнә, шуға күрә "көслө тыл" төшөнсәһе уның өсөн буш һүҙ түгел. Ул үҙе өс баланың атаһы. Ҡатыны Диана менән ике ул һәм ҡыҙ тәрбиәләйҙәр. Йорттоң ысын хужаһы, ышаныслы ир һәм яратҡан атай", - тип яҙҙы Наил Әбелғужин үҙенең социаль селтәрендә.
Артур Гәрәев эҙенән уның ике һеңлеһе лә МХО зонаһына юллана. Уларҙың береһе - Лилиана 2023 йылдан табип булып хеҙмәт итә. Илнара - элемтәсе. Ул 2024 йылдан алып алғы һыҙыҡта.
Яугир үҙе пилотһыҙ системалар ғәскәрҙәрендә өлкән оператор вазифаһында хәрби бурыстарҙы үтәүен дауам итә. Күрһәткән батырлығы һәм фиҙакәрлеге өсөн яугир күп кенә дәүләт наградаларына лайыҡ була.

Башҡортостанда пилотһыҙ системалар ғәскәрҙәренә яҙылырға теләгән граждандар саҡырыу тураһында тулыраҡ мәғлүмәт менән сайтта таныша ала башбат.рф, а также по номеру 122.

Фото: Наил Әбелғужиндың социаль селтәрҙәге сәхифәһенән