Бәләбәй ирекмәндәре һәм халҡы Еңеүҙе яҡынайта

Ирекмән Дмитрий Токарев – Приют Кулибины Октябрьский ҡалаһының сик һаҡсылары үтенесе буйынса автомобилдәрҙе фронтҡа ебәреү өсөн подкат эшләй. Һөҙөмтә көтөлгәнде уҙып киткән, завод изделиеларынан сифат һәм функционаллеге буйынса ҡалышмаған бик яҡшы тағылма килеп сыҡҡан. Изделие тәғәйенләнеше буйынса ебәрелгән.

Әлмир Ибраһимов «Нива» өсөн тәгәрмәстәр, май, тосол, фильтрҙар биргән.

Ошо көндәрҙә ирекмәндәр юлдаш машина менән «Башҡортостан» полкы штурмовиктары өсөн гуманитар ярҙам, шулай уҡ яугирҙәргә туғандарынан шәхси посылкалар һәм маскировка селтәрҙәре тапшырған.

«Ирҙәр көсө» төркөмө – Таһир Хафизов һәм Олег Киселев – Бәләбәйҙән Приютҡа, шулай уҡ Октябрьский ҡалаһына фураларға тейәү өсөн гуманитар йөк ташый.

Күптән түгел фатирҙың яңы хужалары Үҙәккә иҫке мебель, балаҫтар, мендәрҙәр һәм матрастар тапшырған. Ирекмәндәр Хафизовтар һәм Никеровтар ғаиләләре мендәрҙәрҙе таҙартыу һәм яңыртыу оҫтаханаһына мөрәжәғәт иткән. Оҫталар 50% ташлама яһаған, ә «Фронт ҡсөн маскселтәр» үреүселәре эш өсөн түләгән.

Балаҫтарҙы һәм келәмдәрҙе Т. Хафизов йыуған. Д. Токарев туңдырғыс камераны ремонтлаған. Барыһы ла госпиталгә оҙатылған.

7-се мәктәп уҡыусылары Елена Владимировна етәкселегендә ҡарағат сәйе әҙерләй.

Көн һайын ирекмәндәрҙең Ярҙам үҙәгенә халыҡ кәрәкле әйберҙәр килтерә һәм тапшыра, төркөм иҫәбенә кәрәкле материалдар, приборҙар, автомобиль һатып алыу өсөн аҡса килә…

Уҡыусылар экскурсияларға килә. Еңеү өсөн барыһы ла эшләнә!

Приют ҡасабаһының Ярҙам үҙәгенең фотолары