Үҙебеҙҙекеләргә ярҙам итеү өсөн сиктәр юҡ

Мәҫәлән, Октябрьский ҡалаһынан ирекмән Сергей Прокопьев Өфөнән Приютҡа пончо тегеү өсөн туҡыма килтерҙе, юл ыңғайы «Башҡортостан» полкындағы беҙҙең егеттәр өсөн гуманитар йөк (пончо, маскселтәр, пленка) алып китте.

Октябрьский ҡалаһындағы келәткә Һамарҙан ирекмән Моисеевтар ғаиләһе Приют ҡасабаһы ирекмәндәренең үтенесе буйынса янғын һүндергестәр килтерҙе.

Баженов ауылынан Смирновтар ғаиләһе селтәр-рабица тапшырҙы, ә «Баженов үреүселәре» төркөмөнән маскировка селтәрҙәре килтерҙеләр.

Граждандарҙың битараф булмауы һәм ирекмәндәрҙең эскерһеҙлеге һөҙөмтәһендә гуманитар ярҙам ағымы кәмемәй.

Бәләбәй районынан йөктөң бер өлөшө Октябрьскийға оҙатылды, яңы партия тейәлә. Үҙебеҙҙекеләр зонаһынан яҡташтарыбыҙға гуманитар ылау алып барырға машина юлға сыҡҡан да инде.

Беҙҙең ирекмәндәр госпиталдә дауаланған яугир өсөн посылка йыйырға ла онотманы. Бал, үлән сәйе һәм әсәһенән посылка ебәргәндәр.

Гуманитар ярҙам даими рәүештә Бәләбәйҙән китә, унда ул бөтә райондан йыйыла. Ошо көндәрҙә Илькин ауылының «Яҡшы ҡулдар» ирекмәндәр төркөмөнән маскировка селтәрҙәре килде.

Кешеләребеҙҙең изгелеге һәм мәрхәмәте сикһеҙ!

Фотолар ирекмәндәр тарафынан бирелгән