Фронтҡа тиҙ арала ярҙам иттеләр

– Беҙ һалдаттарыбыҙҙың һорауын оператив рәүештә үтәнек һәм, улар хәрби КамАЗ ебәрергә тәҡдим иткәс, бик ҡыуандыҡ.

Йөктө тейәргә «Ир-егет көсө» төркөмө ирекмәндәре, Һауа-десант ғәскәрҙәре туғанлығы активистары, яугирҙәрҙең туғандары, беҙҙең төркөмдә ҡатнашыусылар, йәштәр килде.

Һыуытҡыс, кер йыуыу машиналары, микротулҡынлы мейестәр, хәүефһеҙлек саралары, төҙөлөш материалдары, инструменттар, матрастар, юрғандар, мендәрҙәр, ултырғыстар, тумбочкалар, канистрҙар, мискәләр, маскировкалау селтәрҙәре, автозапчастар, янғын һүндергестәр, шулай уҡ аҙыҡ-түлек һәм медицина кәрәк-яраҡтары тейәлде.

Йөк тейәүҙә ҡатнашыусыларҙың һәммәһенә лә рәхмәт белдерәбеҙ! Беҙҙең көс – берҙәмлектә! - тип һөйләне ирекмән.

Яугирҙәр яҙҙырып ебәргән видеоларында фронтҡа ярҙам күрһәткәндәрҙең барыһына ла тәрән рәхмәт белдерәләр.

Фотолар һәм видеолар: Приют ҡасабаһындағы Ярҙам үҙәге