Үҙебеҙҙекеләр даими ярҙамға мохтаж

– Шаровканан Кривовтар ғаиләһе, ваҡыттарын һәм өй мәшәҡәттәрен иҫәпкә алмайынса, МХО-ла ҡатнашыусылар тураһында хәстәрлек күреүҙәрен дауам итә, был изге эшкә ауылдаштарын да йәлеп итәләр. Улар йәнә Бәләбәйҙәге келәткә әсетелгән кәбеҫтә, ҡоро һурпа әҙерләү өсөн тәмләткестәр һәм дөгө, макарон изделиелары, үлән сәйҙәре, дарыуҙар алып килде. Михайло-Архангель ғибәҙәтханаһына йөрөүселәрҙән көнбағыш майы (3 ҡумта), түшәк әйберҙәре, таҫтамалдар килде. Башҡа вайымһыҙ булмаған бәләбәйҙәрҙән дә ярҙам килә, –  тип хәбәр иттеләр райондың ветерандар советында.

Приют ҡасабаһынан ВДВ-ның хәрби туғанлығы активистары яралыларҙы һәм һәләк булғандарҙы эвакуациялау өсөн автомобиль һатып алыуға аҡса йыя (эвакогруппаның автомобиле юҡ ителгән), хәҙер авто эҙләү менән шөғөлләнәләр.

Ирекмән Дмитрий Токарев эвакуация моно - тәгәрмәсе әҙерләүгә тотонған. Велосипед һәм мопед тәгәрмәстәре кәрәк.

Бәләбәйҙән Ирина Добрейкина, гуманитар ярҙам йыйыу ойоштороп, Приюттағы келәткә йөк килтергән.

Ирекмәндәр әйтеүенсә, яугирҙәргә күп нәмә кәрәк, сөнки барыһы ла тиерлек – сығым материалы…

Ярҙам итергә теләүселәр өсөн һәр ваҡыт кәрәкле позициялар исемлеген тәҡдим итәбеҙ: дымлы салфеткалар, таҫтамалдар, газһыҙ һыу (0,5 л, 1,5 л, 5,0 л), банкалар; балыҡ тотоу селтәрҙәре; тәм - том, энергетик батончиктар, сәй, кофе, козинаки, хәлүә (бәләкәй төргәктәр), ҡаҡ, сохари; шампунь, гель; өҫ һәм аяҡ кейеме; инструменттар –  шуруповерттар, бензин бысҡылары, сүкеш, балта, көрәк, ҡулланышта булғандары ла ярай); теләһә ниндәй ҙурлыҡтағы ҡаҙаҡтар, скотч, изолента, А4 ҡағыҙ; медикаменттар (ауыртыуҙы баҫа торған, шешеүгә ҡаршы, эҫе эсемлектәр, тамаҡ, танау, күҙ өсөн, бинт, пластырь, нефопам, жгуттар).

«Һуғыш барыуына күнекмәгеҙ. Был кино тип уйламағыҙ. Беҙ бында тимер түгел. Беҙ тәндән һәм ҡандан. Һәм был ҡан Хоҙай биргән һәр көндә ҡара тупраҡҡа һеңә. Тик баһалағыҙ. Бөгөнгө иртә ниндәй хаҡ менән килгәнен иҫегеҙҙә тотоғоҙ», –  яугирҙәр исеменән интернетта шулай яҙылған.

Ирекмәндәрҙең фотолары