Үҙебеҙҙекеләргә ярҙам итеү теләге менән

Ирекмәндәр төркөмдәренә битараф булмаған граждандар яугир-яҡташтарына МХО зонаһына ебәреү өсөн әйберҙәр алып килә.

Ҡаланан Яковлева Е.Г. яралы яугирҙәр өсөн инвалид коляскаһын тапшырған. Был кемгәлер ғәҙәти тормошҡа тиҙерәк яраҡлашырға ярҙам итәсәк.

Михайло-Архангель ғибәҙәтханаһы мәхәлләһе даими рәүештә гуманитар ярҙам йыйыу ойоштора: был юлы түшәк кәрәк-ярағы, медицина халаттары, госпиталь өсөн шәхси һаҡланыу саралары һ. б. килтерелгән.

Приют ҡасабаһының Ярҙам үҙәге ирекмәндәре эвакуация төркөмө һорауы буйынса Ҡырғыҙ-Миәкә, Октябрьский һәм Абдулин ҡалаларынан ирекмәндәр менән берлектә ярҙам йыйыу ойоштора.

ВДВ ветерандары эвакотөркөм өсөн автомобиль һатып алған һәм ремотлаған. Улар яралыларҙы ваҡытында эвакуациялауҙың күп нәмәгә бәйле булыуын аңлай…

Бәләбәй ҡалаһының Тарихи мәсете мәхәлләһе яугирҙәр һәм госпиталь өсөн гуманитар ярҙам партияһын яңынан йыя. Уларҙың мәрхәмәте өҫтәмә рәүештә ирекмәндәр картаһына аҡса күсереүҙә сағыла.

«Эконом маркет» магазины хужаһы Үҙәк келәтенә матрастар, мендәрҙәр, юрғандар, кейем, ойоҡбаш, эске кейем алып килгән.

Район ирекмәндәре кешеләргә ярҙам күрһәткәндәре өсөн рәхмәт белдерә: дөйөм эшкә бәләкәй генә өлөш индереү ҙә ҙур әһәмиәткә эйә.

Фотолар ирекмәндәр төркөмөнән