Көндәр нисек торасаҡ?

Бөгөндән башлап һауа әүҙем йылына башлай.

Эҫелектең иң юғары нөктәһе 22 июлдән 28-нә тиклемге осорға тура киләсәк. Көндөҙ термометр бағанаһы +28...+32°С билдәһенә етәсәк, ә төндә +18...+23°С  йылы буласаҡ.

Был аҙнала яуым-төшөм фаразланмай тиерлек, шуға күрә халыҡ рәхәтләнеп һыу инә аласаҡ.

Августа көслө эҫелек булмаясаҡ. Көндөҙгө уртаса температура( +15...+19°С) климат нормаһына ҡайта, әммә яуым-төшөм буйынса хәл норманан күпкә юғарыраҡ.

Августың беренсе декадаһы һалҡынса була, тип фаразлай синоптиктар. 1 августан оҙайлы ямғырҙар башлана, улар кәмендә 10-на тиклем дауам итә.

Көндөҙгө температура +13° - +15 градусҡа тиклем төшә, ә төндә һауа +5 +10 градлусҡа тиклем һыуыта ала (республиканың көньяғында яуым-төшөм айырыуса күп була), тиҙәр улар.

10 августан һуң ҡыҫҡа ваҡытҡа +24 +28 градусҡа тиклем йылы әйләнеп ҡайтыуы ихтимал, әммә метеорологтар иҫкәртә: ямғырлы һауа торошо ай аҙағына тиклем һаҡланыуы ихтимал.

Көндәлек яңыртыуҙарҙы күҙәтегеҙ, сөнки төбәктә оҙайлы һауа торошона төҙәтмәләр индерелеүе ихтимал!

Елена Петрова фотоһы