Бәләбәйҙә бер ирҙе МХО-ла ҡатнашыусының наградаһын урлаған өсөн хөкөм иттеләр

Башҡортостан Республикаһы прокуратураһынан хәбәр итеүҙәренсә, 2025 йылдың декабрендә ир таныш ҡатынға ҡунаҡҡа килгән һәм спиртлы эсемлектәр эсеп ял итергә ҡалған. Хужабикә йоҡлап киткәс, ҡунаҡ өйҙән 37 мең һумлыҡ көнкүреш техникаһын урлап алып сығара. Әммә бының менән генә туҡтамай.

Урланған әйберҙәр араһында Батырлыҡ ордены ла булған, уға зыян күреүсенең бергә йәшәгән кешеһе, махсус хәрби операцияла ҡатнашыусы үлгәндән һуң наградланған. Һуңыраҡ ғәйепләнеүсе бер нисә тапҡыр йәмәғәт урындарында күкрәгенә ошо сит кешенең орденын тағып йөрөй.

Хоҡуҡ һаҡлаусылар тиҙ арала урлаусының эҙенә төшә. Тикшереү барышында ир үҙенең ғәйебен таный. Шул уҡ ваҡытта уның беренсе тапҡыр ғына закон боҙмауы асыҡлана - быға тиклем дә ул хөкөм ителгән була.