Знаменка балалары СССР осорондағы тормош тураһында белде

Краснознаменка ауыл мәҙәниәт йортонда балалар өсөн «СССР-ға ҡайтыу» тематик программаһы үтте. Мәҙәниәт йортоноң этнография бүлмәһендә совет осоро экспонаттарынан торған экспозиция булдырылған.

«Балалар совет халҡының тормошо, көнкүреш әйберҙәре, көнкүреш техникаһы менән танышты һәм шул ваҡытта нисек күңел асыуҙары хаҡында белде. Ҡайһы бер әйберҙәрҙе улар беренсе тапҡыр күрҙе. Уларҙы Советтар Союзында балалар өсөн ойошторолған балалар йәмәғәт ойошмалары ҡыҙыҡһындырҙы. Октябряттарҙың, пионерҙарҙың, комсомолдарҙың кемдәр икәнлеген белделәр. Балалар күп һорауҙар бирҙе», – тип һөйләне ойоштороусылар.

Шул ваҡыттан алып йәмғиәт ҡоролошонда, көнкүрештә, мәҙәниәттә, аралашыуҙа, кешеләрҙең мауығыуҙарында һәм күңел асыуҙарында күп нәмә үҙгәрҙе. Тик сәләмәт ҡыҙыҡһыныу һәм үткәндәргә күҙ һалыу теләге генә үҙгәрешһеҙ ҡалды.

Мауыҡтырғыс сәйәхәт Пушкин картаһы буйынса үтте һәм йәш знаменкаларҙың тарихи белемдәрен арттырҙы.

Краснознаменка ауыл мәҙәниәт йорто фотоһы