Бәләбәйҙәр зумба ритмына ҡушылды

Осрашыуҙы ойоштороусы, зумба яратыусы Фәриҙә Йәнекәева һәм Бәләбәйҙә «Zumba» программаһының рәсми инструкторы Анастасия Слесаренко ҡала  ҡатын-ҡыҙҙары менән дәрт һәм яҡшы кәйеф менән уртаҡлашты.

Сарала ҡунаҡтар – Zumba фитнес программаһы буйынса лицензиялы инструктор Юлия Щепотьева һәм БР буйынса инструкторҙар капитаны Виктория Имаметдинова ла булды.

«Зумба – Латин Америкаһы бейеүҙәренең миксы: сальса, меренге, кумбия, реггетон, бачата һәм аэробика. Бында ҡабатлауҙы иҫәпләмәйҙәр һәм идеаль техника талап итмәйҙәр. Иң мөһиме – ритмды һаҡлау, музыканы тойоу һәм бейеүҙән ләззәт алыу», – тип һөйләне ойоштороусылар. Тап шундай атмосфераны улар «Йырсы шишмәләр»ҙә булдырҙы.

Күптәр өсөн был хәрәкәт байрамы көндәлек мәшәҡәттәрҙән ял итеү, үҙен дуҫ компанияның бер өлөшө итеп тойоу һәм фитнесты яңы яҡтан асыу өсөн бик яҡшы мөмкинлек ине.

Фотолар: «Мираҫ» учреждениеһы