Бәләбәй йәрминкәһенән алып Башҡортостан юлдаш телевидениеһындағы эфирға тиклем

Күптән түгел Анна Башҡортостан юлдаш телеканалында «Ҡатын-ҡыҙ бәхете» тапшырыуының геройы булды. Студияла ул Башҡортостандың креатив индустрияһының сағыу вәкилдәре: БР «Минең креатив бизнесым» үҙәге етәксеһе Аделя Литягина, рәссам һәм этник сувенирҙар һәм кейем брендына нигеҙ һалыусы Мария Товмасян, рәссам,  керамист, «Балсыҡ» һәм «Торатау маркет» проекттары авторы Анастасия Новодержкина менән бергә булды. Алып барыусы Екатерина Скоробогатова менән бергә улар нисек итеп оҫтаның идеяһын брендҡа әйләндереү тураһында һөйләште.

Был республикабыҙҙа уникаль, авторлыҡ әйберҙәренә ихтыяждың нисек үҫеүенә, ә дәүләттең ижадсылар өсөн реаль «мөмкинлектәр тәҙрәләре» булдырыуына сағыу миҫал.

Аннаның тарихы – уңыш тураһында хикәйә генә түгел, ә ысын дәлил: бөгөн эшҡыуар булыу өсөн өйрәнеүҙән ҡурҡмаҫҡа һәм үҙеңдең «алтын ҡулдарыңа» ышанырға кәрәк. Ул  үрелгән мебель эшләп кенә ҡалмай, ә тәжрибәһе менән дә йомарт бүлешә. Анна  «Һөнәрселек маркеты» берләшмәһен һәм «Һөнәрселек» клубын ойошторған, унда ҡаты ментор булараҡ түгел, ә дуҫ һәм остаз булараҡ сығыш яһай, фекерҙәштәренә үҫергә ярҙам итә. Ул Бәләбәй ҡалаһындағы «Минең бизнесым» үҙәге базаһында оҫталыҡ дәрестәрендә әүҙем ҡатнаша һәм даими рәүештә яңылыҡҡа өйрәнә.

«Һинең ижадың кешеләргә кәрәклегенә ышанырға кәрәк, – ти Анна. – Һәм һәр ваҡыт эшкә һалған йылыңды баһалаусылар табылыр».

Анна нескә күңелле ҡатын, дүрт бала әсәһе булараҡ, бөтәһенә лә: ғаиләгә ваҡыт бүлергә, бизнесты үҫтерергә, яңы технологияларҙы өйрәнергә һәм төбәк кимәлендәге конкурстарға сығырға өлгөрә. Хәҙер беҙ Анна Ғабдрахмановаға Башҡортостан Республикаһының креатив индустриялар өлкәһендәге премияла еңеү теләйбеҙ.

Эльвира Ҡаһирова, Бәләбәй ҡалаһындағы «Минең бизнесым» үҙәге бүлексәһе етәксеһе