Берҙәмлек тантанаһы: Бәләбәйҙә Башҡортостан Республикаһы көнө билдәләнде

Сараның рәсми өлөшөн Бәләбәй районы хакимиәте башлығы Азат Сәхәбиев асты. Уның сәләмләү һүҙе бөтә сараға йылы, тантаналы төҫ бирҙе. Һуңынан хөрмәтле ҡунаҡтар: Башҡортостан Республикаһы торлаҡ-коммуналь хужалыҡ министрының беренсе урынбаҫары Юрий Палтусов, БР Дәүләт Йыйылышы – Ҡоролтай депутаты Тимур Ғилмийәров, шулай уҡ штаб начальнигы – 51-се Дөйөм Ғәскәр Армияһының 114-се Айырым Гвардия мотоуҡсылар бригадаһы 88-се айырым уҡсылар полкы командирының беренсе урынбаҫары Андрей Белов ҡотлауҙар менән сығыш яһаны. Уларҙың мөрәжәғәттәрендә берҙәмлектең әһәмиәте, һәр кешенең республика үҫешенә индергән өлөшө һәм заманса саҡырыуҙар фонында традицияларҙы һаҡлауҙың мөһимлеге хаҡында һүҙҙәр яңғыраны.

Бүләкләү тантанаһы кисәнең айырым бер өлөшө булды. Бүләкләнеүселәр араһында-район предприятиелары һәм ойошмаларының иң яҡшы хеҙмәткәрҙәре, ирекмәндәр, МХО-ла ҡатнашыусыларҙың ғаиләләре: һәр кем өсөн йылы һүҙҙәр һәм ҡаҙаныштарын таныу яңғыраны

Кисә сағыу концерт менән тамамланды, ул оҙаҡ ваҡыт тамашасыларҙың хәтерендә ҡаласаҡ. Бәләбәй районының иң яҡшы ижади коллективтары ҡунаҡтарға ысын таланттар калейдоскобын бүләк итте: бында халыҡ мотивтары һәм заманса ритмдар, лирик номерҙар һәм дәртле постановкалар үрелеп барҙы.

Елена Петрованың фоторепортажы