Хажға барыусыларҙың тәүге төркөмө сәфәргә сыға

Мосолмандарҙың Диниә назаратынан хәбәр итеүҙәренсә, бынан тыш улар тағы  27, 29 июндә осалар, 12 июлдә әйләнеп ҡайталар. Төркөмдәрҙе табиптар оҙатып бара: ике ир кеше һәм бер ҡатын-ҡыҙ. Төркөмдөң бер өлөшө Сәғүд Ғәрәбстанына тура рейс менән китә, икенсе өлөшө Берләшкән Ғәрәп Әмирлектәренә оса. Унан автобустарҙа тейешле ергә юллана.

Әйтергә кәрәк, быйыл хажға барыу өсөн юлланма хаҡы артҡан: 4 500 долларҙан башлана.