+12 °С
Облачно
Дини байрамдар
5 Июня 2025, 05:30
Бөгөн – Ғәрәфә көнө
Зөлхизә айының туғыҙынсы көнө бик изге көндәрҙән һанала. Был көндө хаж ҡылыусылар Ғәрәфә тауына барып, ғибәҙәт ҡыла. Беҙҙә был көндө Әрәпә көнө тип атайҙар. Ғәрәфә көнөндә гонаһ-хаталар кисерелә, эшләгән изге ғәмәлдәр арттырылып яҙыла, доғалар ҡабул була. Хажда булмағандарға был көндө нисек үткәрергә һуң?
Бөгөн – Ғәрәфә көнө
- Мосолмандар Ғәрәфә көнөн ураҙа тотоп уҙғара. Һөйөклө Рәсүлебеҙ: «Был көндө ураҙа тотоусының үткәндәге һәм киләсәктәге бер йыллыҡ гонаһтары ярлыҡана», – тигән.
- Ғәрәфә көнөндә күберәк доғала булығыҙ, гонаһ-хаталарҙы ярлыҡауын һорап, тәүбә намаҙҙары уҡығыҙ, Аллаһы Тәғәләнән ғәфү итеүен һорағыҙ.
Тәүбә һәм һорау доғаһы:
"Аллаһүммәғфир ли, үәрхәмни, үтжбүрнии, үәһдини, үә ғаафини, үәрзүҡни.
Мәғәнәһе:
“Йә, Раббым! Мине ярлыҡа, рәхмәт ит, етмәгәндәрҙе тулыландыр, тура юлға күндер, һаулыҡ бир һәм ризыҡ менән нығыт.”
- Зикерҙәрҙе күпләп ҡабатлағыҙ.
"Лә иләәһә илләллаһу уәхдәһү лә шәрикә ләһ, ләһул-мүлку үә ләһул-хәмду, үә һүә ғәлә күлли шәй’ин ҡәдир", – тигән зикерҙе Ғәрәфә көнөндә пәйғәмбәрҙәр ҙә иң күп ҡабатлаған. Уны мөмкин тиклем күберәк — 100, 1000 йәки унан да күберәк уҡығыҙ.
- Матур, изге теләктәр теләгеҙ.
Халҡыбыҙҙа был көн ҙурлап байрам итеп билдәләнгән. Әрәпә көнө иртә менән тороп ғөсөл ҡойонғандар, йәмәғәт намаҙҙары уҡығандар, яңы йәки таҙа кейемдәр кейгәндәр, балаларға күстәнәстәр биргәндәр, яңы кейем алып бирергә тырышҡандар, тәмле-татлы бешереп таратҡандар. Теләгәндәр был көндә ураҙа тотҡан.
Ғәрәфә көнөндә изгелектәр ишектәре асыла, доғалар күккә күтәрелә, Раббыбыҙҙың рәхмәте яуа.
Сығанаҡ: https://ye102.ru/news/ya-yly-tar-ta-ma-y-netu/2025-06-05/b-g-n-r-f-k-n-4265080
