ЗОЖ быуыны

Сара фитнес-тренер Ольга Смирнованың дәртле зарядкаһынан башланды, ул балаларға дәрт-дарман тупларға һәм алдағы һынауҙарға әҙерләнергә ярҙам итте. Һуңынан, татыу командаларға бүленеп, һәр мәктәп форумдың тематик майҙансыҡтары буйлап сәйәхәткә сыҡты, унда уларҙы ҡыҙыҡлы асыштар һәм ғәмәли дәрестәр көттө.

Бәләбәй медицина колледжы студенттары уҡыусылар өсөн йөрәк-үпкә реанимацияһын күрһәтеү һәм жгут һалыу ҡағиҙәләре буйынса «Беренсе ярҙам» оҫталыҡ дәресе үткәрҙе. «Чемпион» спорт мәктәбе директоры Максим Кудряшов балаларға «Алға, юғарыға!» майҙансығында туристик төйөндәр эшләргә өйрәтте. Уҡыусылар «Һаулыҡ тәме» әңгәмәһендә ҡатнашты, унда сәләмәт туҡланыуҙың идеаль рационын төҙөргә өйрәнде. Һуңынан ҡатнашыусылар «Киләсәк төҙөйбөҙ» майҙансығында психология донъяһына сумды. «ЗОЖ-драйв»та балалар фитбол алып фитнес менән шөғөлләнде. Шулай уҡ үҫмерҙәр сираттағы тапҡыр дөрөҫ һайлауҙың мөһимлеген аңланы һәм «Альтернатива бар» майҙансығында насар ғәҙәттәргә кире ҡараш булдырҙы.

Форум аҙағында бөтә командалар тамаша залында йыйылды. Һәр ҡатнашыусы үҙенең һаулығын һаҡлауға арналған төҫлө стикерҙа шәхси вәғәҙә яҙҙы һәм уны символик «Ҡарар ағасына» беркетте. Был мәл сараның сағыу финалы булды, һәр кемдең үҙ именлеге өсөн индивидуаль яуаплылығын һыҙыҡ өҫтөнә алды.

Автор фотолары