Кесе ватан хаҡына быуындар диалогы

Сара райондың һәм республиканың сәскә атыуы хаҡына тәжрибәне, аҡылды һәм йәш энергияны берләштерҙе. Өлкән быуынды ла, йәштәрҙе лә борсоған мөһим мәсьәләләр күтәрелде.

Бәләбәйҙе күмәк көс менән нисек уңайлыраҡ, таҙараҡ һәм замансараҡ итеп төҙөкләндереү осрашыуҙың төп темаларының береһе булды. Бынан һуң буласаҡ медиктар үҙҙәренең һорауҙарын бирҙе - уҡыу шарттарынан алып профессиональ һәм ижади үҫеш өсөн мөмкинлектәргә тиклем. Власть һәм һаулыҡ һаҡлау өлкәһе вәкилдәренең яуаптары йөкмәткеле булды һәм йәштәр проблемаларын хәл итеүҙе лә үҙ эсенә алды.

Осрашыуҙа шулай уҡ тыуған төйәгенең матурлығы һәм ҡиммәттәре темаһы ла күтәрелде. Сығыш яһаусылар тыуған яҡтың байлыҡтарын һаҡлау һәм арттырыу өсөн һәр ҡайһыбыҙҙың яуаплы булыуын һыҙыҡ өҫтөнә алды.

Әңгәмә быуындар күсәгилешлеге тураһындағы фекер менән тамамланды. Диалог, остазлыҡ һәм дөйөм эштәр аша йәмғиәттең берҙәмлеген нығытырға мөмкин булыуы билдәләнде.

«Студенттарыбыҙ өсөн был осрашыу айырыуса әһәмиәтле булды. Беҙ дауалауҙан тыш, кешеләргә, районға, республикабыҙға хеҙмәт итергә өйрәтәбеҙ. Илһөйәрлек - ул матур һүҙҙәр түгел, ә көндәлек хеҙмәт, тарихҡа хөрмәт, яҡындарың тураһында хәстәрлек күреү һәм тыуған, йәшәгән ерҙе үҫтерергә әҙерлек. Бындай саралар киләсәккә ышанысты нығыта», - тине тәрбиә эштәре буйынса бүлек мөдире Светлана Попенко.

Район хакимиәте һәм колледж фотолары