Башҡортостан табиптары Луганскиға юлланды

Ғ.Ҡыуатов исемендәге Республика клиник дауаханаһы һәм Республика балалар клиник дауаханаһы хеҙмәткәрҙәренән торған табиптар бригадаһында оториноларинголог, эндокринолог, офтальмолог, травматолог-ортопед, хирург, акушер-гинеколог, функциональ диагност һәм УЗИ-диагност, шулай уҡ урта медицина белемле белгестәр бар, тип белдерҙеләр ведомствола. 

Хәтерегеҙгә төшөрәбеҙ, Красный Луч ҡалаһында Башҡортостан табиптары эшләй. Әлеге ваҡытта ҡала поликлиникаһының балалар һәм өлкәндәр бүлексәһендә 14 табип ‒ ЛОР, окулист, хирург, невролог, гинеколог һәм ультратауыш тикшереүе табибы, кардиолог, эндокринолог, функциональ диагностика табибы ҡабул итә, шулай уҡ дүрт шәфҡәт туташы, күсмә медицина комплексы водителдәре бар, тип хәбәр иткәйне «Башинформ» мәғлүмәт агентлығы.