Рәсәй Хөкүмәте сәнәғәт ипотекаһы программаһын раҫланы

Сәнәғәт ипотекаһы программаһы сиктәрендә кредит йылына 5% льготалы ставка менән ете йылға тиклем бирелә. Технологик компаниялар өсөн ставка тағы ла түбәнерәк – йылына 3% ҡына. Кредиттың максималь күләме – 500 миллион һум. Етештереү өсөн әҙер майҙандар һатып алырға йыйынған предприятиеларҙың ошондай ипотека алырға хоҡуғы бар.

5 сентябрҙә Михаил Мишустин вице-премьерҙар менән кәңәшмәлә сәнәғәт ипотекаһы программаһының башланыуын иғлан итте.

Сәнәғәт ипотекаһы программаһы һынау үткән төбәктәр иҫәбендә Башҡортостан да бар. Унда Өфө индустриаль паркы һәм «Алға» махсус иҡтисади зонаһы ҡатнаша.