+30 °С
Облачно
Мәҙәниәт
2 Сентября 2025, 06:00
Милли-мәҙәни һарайҙа асыҡ ишектәр көнө
Бәләбәй ҡалаһының «Урал батыр» милли-мәҙәни һарайында асыҡ ишектәр көнө үтте. Учреждение төрлө йәштәге һәм һөнәрле ҡала кешеләре өсөн ишектәрен асты. Был көндө балалар ата-әсәләре менән, балалар баҡсаһында тәрбиәләнеүселәр һәм ижади кешеләр экскурсияларға йөрөнө һәм клуб берләшмәләренең эше тураһында етекләберәк белә алды.
Милли-мәҙәни һарайҙа асыҡ ишектәр көнө
Учреждение менән танышыу нисек уҙыуы хаҡында «Урал батыр» һарайы директоры урынбаҫары Марина Денисованан һораныҡ.
– Милли-мәҙәни һарайҙа асыҡ ишектәр көнө – ул төрлө халыҡтарҙың мәҙәниәте, ғөрөф-ғәҙәттәре һәм ҡиммәттәре менән танышыу өсөн уникаль мөмкинлек. Сара программаһына этноосрашыуҙар индерелде, унда ҡунаҡтар башҡорттарҙың, татарҙарҙың, сыуаштарҙың һәм славяндарҙың йолалары менән танышты. Килеүселәр оҫталыҡ дәрестәрендә һәм милли үҙәктәр буйлап экскурсияларҙа ҙур ҡыҙыҡһыныу менән ҡатнашты – тип һөйләне Марина Петровна.
Клуб етәкселәре үҙҙәренең уңыштары менән уртаҡлашты һәм теләгән һәр кемде үҙҙәренең ижади коллективтарына ҡушылырға саҡырҙы.
Фотолар милли-мәҙәни һарайҙан
Милли-мәҙәни һарайҙа асыҡ ишектәр көнө
