Һәр еңеү – ҙур хеҙмәт

Заһир Исмәғилев исемендәге Өфө дәүләт сәнғәт институтында уҙған ижади ярыштарҙа скрипкала, альт, виолончель һәм контрабаста уйнаусы утыҙҙан ашыу башҡарыусы ҡатнашты. Ҡатнашыусыларҙың географияһы: Өфө, Салауат, Стәрлетамаҡ, Бәләбәй, Дәүләкән, Илеш районы. Улар барыһы ла балалар музыка мәктәптәренең, сәнғәт мәктәптәренең йәш музыканттары, шулай уҡ урта һәм юғары музыкаль белем биреү учреждениелары студенттары.

«Йәш скрипкасылар инструментты бик яҡшы белеүен, композиторҙың ниәтен тәрән аңлауын күрһәтте», – тип конкурсты ойоштороусылар конкурсанттарҙың сығыш яһауына сәнғәт институты сайтында аңлатма бирҙе. Иң яҡшылар исемлегендә беренсе урында Лев Огарковтың исеме тора. Бында шулай уҡ уҡытыусы Лариса Приказчикованың һәм концертмейстер Татьяна Сөнәғәтованың хеҙмәте ҙур. Уларҙың тырыш хеҙмәте һәм һөнәрилеге балаларға үҫешергә, һәләттәрен асырға һәм юғары һөҙөмтәләргә өлгәшергә ярҙам итә.

Фотолар 1-се балалар сәнғәт мәктәбенән