«Башҡорт халҡының музыка донъяһы»

Рәсәй халыҡтары берҙәмлеге йылы сиктәрендә уҡыусылар башҡорт халыҡ музыкаһының төрлөлөгө хаҡында белде.

Китапханасы милли музыканың боронғо жанрҙары - ҡобайыр, бәйет, оҙон көйҙәр һәм ҡыҫҡа көйҙәр хаҡында һөйләне. Музыкаль фольклорҙа сағылыш тапҡан һунарҙағы осраҡ тураһында бәйән итеү сараға йыйылғандарҙа айырыуса ҡыҙыҡһыныу уятты.

Мәҙәни панораманың музыкаль биҙәлешен 2-се балалар сәнғәт мәктәбе уҡытыусылары Г.К. Сафиуллина һәм Д.Р. Хәкимова әҙерләне. Уларҙың башҡарыуында думбырала, баянда һәм ҡумыҙҙа көйҙәр яңғыраны, был йәш аудиторияла ҙур ҡыҙыҡһыныу уятты.

Осрашыу барышында китап күргәҙмәһенә күҙәтеү яһалды: китапханасы сарала ҡатнашыусыларҙы Башҡортостан Республикаһының күренекле ҡурайсылары һәм милли музыка ҡоралдары менән таныштырҙы.

Сара милләт-ара татыулыҡты һәм Рәсәй халыҡтарының мәҙәни мираҫына хөрмәтте нығытыуға булышлыҡ итте.