«Музейҙар төнө-2026»

Бәләбәйҙең тарих-тыуған яҡты өйрәнеү музейында таныш урамдар, ата-бабаларыбыҙҙың көнкүреше тураһында хикәйәләр яңғыраны. Балалар һәм өлкәндәр оҫталыҡ дәрестәрендә мауығып шөғөлләнде, «СССР-ға кире ҡайтыу» фотозонаһында үткән образдарҙы һынап ҡараны һәм «Беҙ бергә хеҙмәттә һәм алышта», «Еңеү хаттары», «МХО: ваҡыт, ваҡиғалар, кешеләр», «Башҡортостан Донбассты һаҡлай», «Гуманитар ылау юлдары буйлап», «Улар һуғыш тураһында һөйләйәсәк» күргәҙмәләре менән танышты.

Өҫән-Ивановка ауылының Марина Цветаева музейы ҡунаҡтарҙы «Боронғо риүәйәттәр» экскурсияһына саҡырҙы, унда ғәҙәти әйберҙәр яңы яҡтан асылды. Шулай уҡ бында төрлө йылдарҙағы фотоһүрәттәр менән уйын һәм «Ата-бабалар стилендә портрет» фотозонаһы ойошторолдо.

Ыҫлакбаш ауылының Музей комплексында акцияла ҡатнашыусылар сыуаш әҙәбиәте классигы Константин Ивановтың тормошо һәм ижады менән танышты һәм окоп шәмдәре эшләү буйынса оҫталыҡ дәресендә ҡатнашты.

Фотолар: https://vk.com/wall411259512_215669